No contexto do FórumViño, que se celebrou o martes 19 de febreiro dentro do programa profesional do Fórum Santiago’08, un elenco de viticultores do noroeste da Península, recoñecidos pola excelencia dos seus viños, participaron no Mercado do Viño, un lugar de encontro para os profesionais do sector da enoloxía onde puideron coñecer e degustar os produtos elaborados polos máis de quince viticultores que estiveron presentes. O encontro, impulsado polo catador galego Xoán Cannas, converteuse no escenario ideal para presentar máis de 50 viños, algúns deles en total primicia.

 

Adega Algueira, Adega dous Eidos, S.L., Adegas Chao do Couso, Adegas Guimaro, Adega Pedralonga, Adega Rafael Palacios, Adegas Descendentes de J. Palacios, Adegas Forxas do Salnés, S.L., Gerardo Méndez Lázaro, José Meréns Martínez, Quinta dá Muradilla, Quinta dá Pellada / Quinta de Saes, Quinta Feital Sociedade Agrícola & Turismo, LDA - Quinta do Dourado, Raúl Pérez Pereira e Tomás Arias Fernández foron as adegas que participaron desta iniciativa que foi significativamente valorada por parte dos congresistas asistentes e dos visitantes.

 

Situado no primeiro piso do Palacio de Congresos, diante Sala Ateneo, o Mercado do Viño, produto propio de Fórum Santiago’08, converteuse, tamén, no espazo de encontro para viticultores, distribuidores, enólogos, sumillers e demais participantes das sesións do FórumViño.