O Fórum Gastronómico Santiago´08 espertou un gran interese entre os sectores de alimentación, restauración e turismo, que estiveron presentes na feira. Ao longo dos cinco días que se celebrou o encontro culinario preto de 15.000 persoas visitaron o recinto que acollía o Fórum Santigo’08.

 

E é que As Cociñas do Atlántico converteuse nun verdadeiro punto de encontro obrigado para os profesionais e amantes da gastronomía. O espazo feiral reuniu a máis de 150 firmas en 70 casetas, ocupando 5.000 m2 da zona expositiva do Palacio de Congresos e Exposicións de Galicia e converténdoo así, e durante os 5 días que durou o Fórum, nun escaparate dos mellores produtos de Galicia e do mundo enteiro.

 

Desta forma, o Fórum eríxese como un novo factor de atracción e difusión da gastronomía galega consolidando Santiago como destino de Turismo enogastronómico de primeira orde.